Павел Дураў распавёў пра «адзіны шанец» для пераменаў у Расеі

Заснавальнік сацыяльнай сеткі «Вконтакте» Павел Дураў назваў нізкія кошты на нафту «адзіным шанцам» для эканамічных і палітычных рэформаў у Расеі.

Такую заяву ён зрабіў у гутарцы з газетай The New York Times, піша slon.ru.

«Калі кошты на нафту высокія, для такіх рэформаў няма стымулаў. Так можа працягвацца вечна, і нікому не будзе да гэтага справы», - сказаў бізнэсовец.

У снежні 2013 Дураў прадаў сваю долю ў «Вконтакте» і ў красавіку 2014 пакінуў Расею, бо, з ягоных слоў, «гэтая краіна цяпер несумяшчальная з бізнэсам у інтэрнэце».

У сапраўдны час прадпрымальнік займаецца развіццём прыкладання-мессенджэра Telegram. Штаб-кватэра кампаніі знаходзіцца ў Берліне, аднак сам Дураў перамяшчаецца паміж рознымі краінамі свету адзін раз у некалькі тыдняў разам з невялікай камандай распрацоўшчыкаў, піша выданне.

«Пакуль я жыў у Расеі, я бываў у гасцях у вельмі багатых людзей. Я быў на вялікіх караблях, прыватных самалётах, у дамах, і я дакладна ведаю, што не хачу для сябе нічога падобнага. Я вельмі шчаслівы цяпер без якой-небудзь уласнасці. Я ўважаю сябе за грамадзяніна свету», - сказаў Дураў.

У пачатку лістапада з’явіліся чуткі пра тое, што бізнэсовец вярнуўся ў Расею. Павел Дураў зняпраўдзіў гэтую інфармацыю, удакладніўшы, што прыехаў для завяршэння ўгоды ў продажы дата-цэнтра «Вконтакте», і «затрымлівацца планаў няма».

У панядзелак, 1 снежня, кошт барэля нафты гатунку Brent абрынуўся да пяцігадовых мінімумаў (ніжэй за $68 за барэль гатунку Brent) пасля адмовы АПЕК 27 лістапада знізіць квоты на здабычу. 2 снежня студзеньскія ф'ючэрсы Brent знаходзіліся ў межах ад $70,6 да $73 за барэль.