Азаранка можа не трапіць у пасеў Australian Open
1- 30.12.2014, 15:07
- 4,951
Двухразовая чэмпіёнка Australian Open можа не трапіць у пасеў турніру-2015 у выпадку няўдалага выступу на першым тыдні сезона ў Брысбене.
Экс-першай ракетцы свету Вікторыі Азаранцы, якая цяпер займае 31-е месца рэйтынгу WTA, трэба будзе абарона фіналу Brisbane International (305 ачкоў), і ранняя параза ў Квінслендзе можа пазбавіць яе месца ў Топ-32. Пасеў Адкрытага чэмпіянату Аўстраліі праводзіцца паводле рэйтынгу пасля першага гульнявога тыдня года, піша by.tribuna.com.
Нагадаем, 25-гадовая тэнісістка прапусціла вялікую частку сезона-2014 праз траўму і апошні турнір правяла ў верасні.
«Брысбен для мяне асаблівае месца з тых часоў, як я перамагла там у 2009. Я ведаю, што склад будзе вельмі моцны, але гэта і ёсць найлепшы пачатак сезону», - цытуе Азаранку афіцыйны сайт WTA.