Банкі рэзка знізілі курсы куплі валюты

Беларусам, якія вырашаць ў бліжэйшы час здаць валюту, трэба ўважліва падыходзіць да выбару абменнага пункта.

Напярэдадні навагодніх выходных, 30 снежня, банкі рэзка знізілі курс куплі наяўнай валюты ў насельніцтва, піша tut.by.

Учора днём, 29 снежня, некаторыя банкі былі гатовыя плаціць па 14 000 рублёў. Сёння раніцай максімум складаў ужо 13 890 рублёў. Па такім курсе можна было здаць даляры ў Беларусбанку. У Белаграпрамбанку "зялёны" купяць за 13805 рублёў. Да абеду 30 снежня сітуацыя змянілася: самы папулярны курс пакупкі на дадзены момант складае 13 720 рублёў. Столькі дадуць за амерыканскую валюту ў Прыёрбанку, Альфа-Банку, МТБанку, Белгазпрамбанку, Банку ВТБ, РРБ Банку, Белаграпрамбанку, а таксама ў Беларусбанку.

Ледзь вышэй курс куплі выставіў Ідэя Банк - 13 750 рублёў за даляр. Банк БелЗЭБ сёння купляў даляр да 13 650 рублёў. Курс на ўзроўні 13 000 рублёў прапануе Масква-Мінск.

Самы нявыгадны курс куплі ў другой палове дня 30 снежня прапанавалі сёння абменнікі Абсалютбанка і Беларускага народнага банка. Тут за даляр гатовыя прапанаваць усяго толькі 12 700 рублёў і 12500 адпаведна.

Што тычыцца курсаў продажу даляра, то ён пачаў паступова збліжацца з курсам пакупкі. У большасці банкаў на табло паказаны курс вышэй за 12 тысяч рублёў.

З улікам 20-адсоткавага збору рэальны курс, за які можна купіць валюту ў абменніку пры ўмове яе наяўнасці, складае 14.040 - 14 440 рублёў.