Масавыя арышты ў Маскве за акцыю пад лозунгам «Расея без Пуціна» (Відэа)
57- 30.12.2014, 19:30
- 79,376
У цэнтры Масквы прайшла акцыя пратэсту супраць прысуду братам Навальным, затрыманыя блізу 300 чалавек.
У цэнтр Масквы ўвечары былі сцягнутыя падраздзяленні сілавікоў, Манежная плошча была ачэпленая паліцыяй.
Са слоў відавочцаў, на акцыю прыйшло некалькі тысяч чалавек. Людзі скандавалі "Я - брат Навальнага", "Усіх не пасадзіш", "Далоў уладу чэкістаў", "Украіна, мы з табой", "Рускія і украінцы - браты", а таксама "Расея без Пуціна".
#Манежка сейчас pic.twitter.com/pt3dGoHeDD
— Vladimir Kara-Murza (@vkaramurza) 30 декабря 2014
Навальны заклікаў сваіх прыхільнікаў выйсці сёння на Манежную плошчу. Апазіцыянер паабяцаў, што, нягледзячы на хатні арышт, далучыцца да сваіх прыхільнікаў. Пазней з'явілася інфармацыя, што апазіцыянер выехаў на сустрэчу са сваімі прыхільнікамі, але па дарозе быў затрыманы і яго адвезлі назад дадому.
Задержание Навального. pic.twitter.com/8sCVK3372Y
— ОстроВ (@ostro_v) 30 декабря 2014
Сначала везли в овд, на полдороги поступили новые указания. Привезли домой, из квартиры не выпускают. Под дверью пять бойцов 2-го оперполка
— Alexey Navalny (@navalny) 30 декабря 2014
Цяпер за парушэнне хатняга арышту Навальнаму пагражае рэальны тэрмін, яму могуць змяніць меру стрымання з хатняга арышту на ўтрыманне ў СІЗА.
На плошчу таксама прыйшлі казакі, якія выступаюць супраць акцыі. Удзельнікі мітынгу скандавалі "Казакі - у аўтазакі!". Разам з тым, людзі з георгіеўскімі стужачкамі зладзілі бойку з удзельнікамі акцыі.
Праз некаторы час на Манежнай плошчы пачаліся затрыманні ўдзельнікаў акцыі пратэсту. Паводле звестак ОВД-Инфо, акрамя Аляксея Навальнага на акцыі пратэсту ў цэнтры Масквы былі затрыманыя блізу 300 чалавек. Масавыя затрыманні таксама пачаліся на Цвярской вуліцы ля Дзярждумы, дзе сабралася вялікая група дэманстрантаў, якія не змаглі падысці да Манежнай плошчы. Сярод затрыманых - грамадзяне Нямеччыны і Турцыі.
Начались первые задержания. Полиция требует разойтись. pic.twitter.com/wVNqs2CpB9
— StudMedia Kharkov (@StudMedia) 30 декабря 2014
Тым часам, у паліцыі сцвярджаюць, што затрыманыя толькі 100 чалавек.
"У аўторак увечары ў раёне Манежнай плошчы сабралася блізу 1,5 тысячы чалавек з мэтай правядзення несанкцыянаванага мерапрыемства. Таксама ў раёне плошчы знаходзіліся групы грамадзян, якія адлюстроўвалі нязгоду з тымі, хто сабраўся", - заяўляюць у прэс-службе сталічнага ўпраўлення МУС.
Праз дзве гадзіны пасля пачатку акцыі паліцыя выціснула з Манежнай плошчы ўсіх тых, хто сабраўся.
АМАП пачаў рух у бок тых, хто сабраўся на Манежнай плошчы людзей. У адказ натоўп скандавала: "З Новым годам!" і "Свабоду!".
Тым часам, фірмовая крама "Ив Роше" на Цвярской вуліцы была аблепленая самалепкамі з надпісам "Навальны".
500 человек на #Манежка ОМОН начал выдавливать pic.twitter.com/8p3TTGjuQc
— Грани.ру (@GraniTweet) 30 декабря 2014
Нагадаем, маскоўскі суд 30 снежня прысудзіў Аляксея Навальнага да 3,5 гадоў умоўнага тэрміну, ягоны брат Алег атрымаў 3,5 года ў калоніі.
Браты абвінавачваюцца ў крадзяжы 26 млн руб у кампаніі "Ив Роше" і больш за 4 млн руб. - У фірмы "Многопрофильная процессинговая компания».
Асуджаны апазіцыянер заклікаў жыхароў Расеі выйсці на вуліцы і дамагацца адстаўкі прэзідэнта РФ Уладзіміра Пуціна.
Мэрыя Масквы перасцерагла прыхільнікаў апазіцыянера Аляксея Навальнага ад правядзення "несанкцыянаваных акцый". Манежную плошчу перакрываюць паліцэйскія і вайсковыя.