На акцыю ў падтрымку Навальнага ў Пецярбургу прыйшлі дзве тысячы чалавек

На Малой Садовай вуліцы ў Пецярбургу ўвечары 30 снежня сабраліся на «народны сход» прыхільнікі палітыка Аляксея Навальнага.

Паводле ацэнак відавочцаў, у акцыі бяруць удзел ад адной да дзвюх тысяч чалавек.

Раней вуліца была перакрытая металічнымі агароджамі. Побач, на Неўскім праспекце, стаяць недзе 30 аўтобусаў паліцыі, паведамляе «Дождь».

Тым часам у Маскве таксама прайшла акцыя ў падтрымку Навальнага, у ёй прыняло ўдзел некалькі тысяч чалавек. Праз дзве гадзіны паліцыя зачысціла Манежную плошчу.