Беларусь выплаціла $79,3 млн па крэдыце стэнд-бай МВФ

Беларусь правяла чарговае пагашэнне асноўнай запазычанасці па крэдыту МВФ у суме 54,7 млн СДР, што эквівалентна $79,3 млн.

Пра гэта сайту charter97.org паведамілі ў Міністэрстве фінансаў Беларусі.

Папярэдняе пагашэнне адбылося 22 снежня. Тады Беларусь выплаціла $79,7 млн.

Беларусь рэалізавала праграму стэнд-бай, падтрыманую крэдытам МВФ на $3,5 млрд, са студзеня 2009 года да красавіка 2010-га. Гэта дазволіла краіне забяспечыць станоўчую дынаміку ў шэрагу пазіцый у эканоміцы і грашова-крэдытнай сферы.

З 1992 да 2008 год Беларусь двойчы выкарыстоўвала фінансавыя рэсурсы МВФ: па лініі фонду сістэмных трансфармацый - $217,2 млн і па механізме стэнд-бай - $77,4 млн. У лютым 2005 года Беларусь цалкам пагасіла названыя крэдыты МВФ.

Дзейнасць МВФ у Беларусі накіраваная на супрацоўніцтва з урадам і Нацыянальным банкам пры падрыхтоўцы праграм эканамічнай палітыкі з акцэнтам на падаткова-бюджэтную і грашова-крэдытную палітыку, абменны курс і гандлёвую палітыку з мэтай дасягнення значнага эканамічнага росту, нізкай інфляцыі і ўстойлівасці плацежнага балансу.