Крамлёўскі прапагандыст Кісялёў скраў застаўку з фільма «Рабакоп»

Праграму «Весткі тыдня» выкрылі ў выкарыстанні фрагментаў амерыканскага фільма «Рабакоп».

У сетцы YouTube 29 снежня з'явілася відэа, на якім бачна, што застаўка перадачы, якую вядзе вядомы крамлёўскі прапагандыст Дзмітрый Кісялёў, падобная на фрагмент кінастужкі 2014 года.

Аўтар відэа паказвае па чарзе застаўку з «Вестак тыдня» і кадры з выдуманай перадачы, каб паказаць іх ідэнтычнасць. Каб дамагчыся большага падабенства, аўтар роліка-параўнання не проста ўзяў фрагмент з пачатку «Рабакопа», а змяніў яго - паскорыў прайграванне і ўставіў фрагменты з іншых частак фільма.