Ператрус у маскоўскім Teaтр.doc: шукалі «бомбу», забралі аргтэхніку

Маскоўскі Театр.doc застаецца закрытым. Напярэдадні праваахоўнікі правялі ў ім ператрусы і канфіскавалі аргтэхніку.

Акрамя таго, былі эвакуяваныя жыхары дома, у якім размяшчаецца тэатр.

Сталічны тэатр дакументальнай п'есы не працуе з учорашняга вечара. Памяшканне апячатанае, унутры нікога няма, а жыхары Трохпруднага завулка, у якім знаходзіцца Театр.док, дзеляцца ўражаннямі ад учорашняга перапалоху. Усё пачалося ў час паказу фільма «Мацней, чым зброя» аб кіеўскім Майдане. У памяшканне прыйшлі супрацоўнікі праваахоўных органаў і аб'явілі, што ў будынку закладзеная бомба. У гледачоў праверылі дакументы, затым ўсіх наведвальнікаў эвакуявалі. Пазней стала вядома, што паліцыянты выявілі ў будынку нейкі прадмет, які быў адпраўлены на экспэртызу. Акрамя гледачоў, з дома, у якім размяшчаецца тэатр, эвакуявалі таксама ўсіх жыхароў. Пра гэта «Эху Москвы» распавяла гаспадыня адной з кватэр Алена, паведамляе «Эхо Москвы».

Іншая жыхарка Трохпруднага завулка распавяла, што назірала эвакуацыю са свайго акна.

Мясцовыя жыхары адзначылі таксама, што суседства з Театром.док іх заўсёды бянтэжыла, паколькі яго работнікі і наведвальнікі заміналі ім адпачываць і палілі пад вокнамі, аднак у праваахоўныя органы самі яны не звярталіся. Але кіраўніца тэатра Алена Грэміна паведаміла, што паліцыянты ў выніку ператрусу канфіскавалі кампутары, праектар і іншую маёмасць. Пры гэтым, з яе слоў, у памяшканні былі выламаныя дзверы і наладжаны сапраўдны пагром. Ад самой Грэмінай запатрабавалі падаць дакументы, якія пацвярджаюць права тэатра на правядзенне паказаў дакументальных фільмаў.

Прадстаўнікі тэатра сцвярджаюць таксама, што цалкам фільм пра майдан дэманстраваць не збіраліся - да прагляду і абмеркавання прапаноўваліся толькі яго фрагменты.

Раней стала вядома, што Театр.doc пераязджае ў будынак на Спартакаўскай вуліцы, і ў лютым там пачнуць ісці спектаклі. Мінулай восенню маскоўскія ўлады скасавалі дамову арэнды з тэатрам праз «незаконную перапланіроўку» часткі памяшкання.