Нямцоў прапанаваў адхіліць Пуціна ад улады
1- 31.12.2014, 18:39
- 22,223
Расея стаіць на парозе вялікіх пераменаў, і ўзмацненне пратэстнага руху ў краіне толькі паскорыць маштабныя змены ў краіне.
Пра гэта напісаў на сваёй старонцы ў «Фэйсбуку» апазіцыйны расейскі палітык Барыс Нямцоў.
«Я ўжо даўно заўважыў, што любыя праваабарончыя акцыі малалікія. Можна доўга вінаваціць суайчыннікаў у бяздушнасці, чэрствасці, блізарукасці або абыякавасці, але факт застаецца фактам.
І на акцыі ў абарону вязняў Балотнай, і на акцыі ў абарону Удальцова, Развазжаева і Навальнага збіраюцца ад сілы некалькі тысяч чалавек. Усё. Гэта мяжа. Я прыйшоў учора, таму што не мог не прыйсці, выдатна разумеючы, што ніякага развароту і змены палітычнага курсу не здарыцца. І ўжо тым больш Майдана ніякага не будзе.
Калі мы хочам пераменаў, то людзям трэба прапанаваць зразумелую, духапад’ёмную палітычную праграму выхаду з крызісу і тупіку, у які нас завёў Пуцін.
Праграма павінная быць прэзентаваная аб'яднанай дэмакратычнай кааліцыяй За еўрапейскі выбар Расеі.
Прапаную палітычную частку праграмы:
1. Адстаўка Пуціна як вінаватага ў палітычным і эканамічным крызісе ў Расеі.
2. Змена Канстытуцыі:
-у частцы абмежавання знаходжання ва ўладзе Прэзідэнта не больш за два тэрміны па 4 гады.
- фарміравання Урада парламентам.
3. Правядзенне свабодных Прэзідэнцкіх і парламенцкіх выбараў.
4. Спыненне вайны з Украінай, перамовы з яе кіраўніцтвам аб нармалізацыі адносін
5. Аднаўленне адносін з Еўропай і Амерыкай, адмена санкцый у дачыненні да Расеі.
У эканоміцы:
1 Адмова ад дзяржаўнага манапалістычнага капіталізму як вельмі карумпаванай і неэфектыўнай мадэлі гаспадарання.
2. Стаўка на сярэдні клас і малыя і сярэднія прадпрыемствы.
3. Скарачэнне бюракратыі, люстрацыя ў праваахоўнай і судовай сістэме.
4. Перанос падаткаабкладання на сыравінныя кампаніі і зніжэнне падаткаў на несыравінны сектар.
5. Аднаўленне фінансавых праў рэгіёнаў і муніцыпалітэтаў.
6. Скарачэнне вайсковых выдаткаў і выдаткаў на спецслужбы і рост выдаткаў на медыцыну і адукацыю.
Цягам студзеня праграму можна дапрацаваць і ўзгадніць.
Далей ужо можна праводзіць акцыі з мэтай змены згубнага палітычнага і эканамічнага курсу краіны.
Такія акцыі будуць значна больш шматлікімі і эфектыўнымі, чым народны сход супраць подлых прысудаў.
Упэўнены, што перамены магчымыя менавіта на шляху салідарнасці і агульнай яснай і выразнай праграмы апазіцыі.
Усіх з Новым Годам! Расея будзе свабоднай», - напісаў ён.