30 тысяч жывых елак прывязуць на кірмашы Менска

Каля 30 тысяч жывых елак плануецца рэалізаваць у Менску да Новага года.

Пра гэта паведамляе БелТА са спасылкай на ўпраўленне спажывецкага рынку Менгарвыканкама.

З 22 да 31 снежня ў Менску пройдзе больш за 180 елачных кірмашоў, з іх 12 агульнагарадскіх. Яны будуць працаваць штодзённа з 10.00 да 19.00 без абедзенных перапынкаў і выхадных. Набыць натуральную елку вышынёй да аднаго метра можна будзе па цане ад 60 тысяч рублёў да 100 тысяч рублёў, да двух метраў - ад 70 тысяч рублёў да 130 тысяч рублёў, да трох метраў - ад 78 тысяч рублёў да 142 тысяч рублёў.

У крамах пакупнікам прапануюць звыш 100 відаў елак са штучных матэрыялаў, у тым ліку дэкараваныя, вышынёй ад 30 см да 4 м па цэнах ад 30 тысяч рублёў да 5 млн рублёў.

Гандаль навагоднімі цацкамі і святочнай атрыбутыкай стартаваў ва ўсіх крамах горада. Для зручнасці пакупнікоў тут адкрыліся спецыялізаваныя аддзелы, дзе ў шырокім асартыменце (больш за 3 тысячы разнавіднасцей) прадстаўлены елачныя ўпрыгажэнні і сувеніры. Навінкамі сезона з'яўляюцца падвесныя елачныя ўпрыгажэнні з бліскучай дроту і дрэва, фігуркі з фармаванага шкла, пенапласту і палістоўна (штучнага каменя), дэкараваныя імітацыяй бліскучай цукровай крошкі, снегавікі і Дзяды Марозы на ножках, якія рэгулююцца па вышыні. Таксама ва ўсіх аб'ектах гандлю можна знайсці сувеніры ў выглядзе сімвала 2015 (Казы), вырабленыя з розных матэрыялаў (шкла, керамікі, пластмасы, тэкстылю, дрэва і іншых) і ў розных формах (ад магнітаў да мякканабіўных цацак).