Букмекеры ставяць на Домрачаву
23- 11.02.2014, 16:56
- 13,849
На думку букмекераў Дар'я Домрачава лічыцца адной з галоўных фаварытак алімпійскай гонкі пераследу ў Сочы.
У букмекерскай канторы William Hill каэфіцыент на перамогу беларускі - 5.00, і саступае толькі славачцы Анастасіі Кузьміной - 3.00 і нарвежцы Торы Бергер - 4.00. Далей ідуць Вольга Вілухіна з Расеі - 9,00, Анаіс Бяскон з Францыі - 17.00, Габрыэла Саўкалава з Чэхіі і Віта Семярэнка з Украіны - па 21.00. На вікторыю беларускі Надзеі Скардзіна каэфіцыент 101.00, піша "Прессбол".
Кантора "Марафон" прымае на Дар'ю Домрачаву стаўку 4.30. Меншыя каэфіцыенты толькі ў Кузьміной - 3.25 і Бергер - 3.70. Далей ідуць Вілухіна - 9.50, Бяскон - 14.00, Віта Семярэнка - 23.00. На перамогу Скардзіна 126.00.
Жаночая алімпійская гонка пераследу стартуе 11 лютага а 18:00 па беларускім часе.
9 лютага беларуская біятланістка не змагла ўвайсці ў лік медалістаў спрынтэрскай гонкі Алімпійскіх гульняў. Спартсменка, дапусціўшы адзін промах на «лежні» заняла 9-е месца. Пераможцы гонкі, Анастасіі Кузьміной са Славакіі Дар'я Домрачава прайграла 31,8 секунды. Серабро дасталося расеянцы Вользе Вілухінай, бронза - украінцы Віце Семярэнка.