Стаўка рэфінансавання захаваецца на ўзроўні 23,5%

Такое рашэнне прынята праўленнем Нацыянальнага банка Беларусі.

«Па дадзеных Нацыянальнага статыстычнага камітэта, індэкс спажывецкіх коштаў у студзені 2014 года склаў 101,6 адсотка. Захаванне бягучага ўзроўню стаўкі рэфінансавання пацвярджае антыінфляцыйную накіраванасць грашова-крэдытнай палітыкі», - гаворыцца ў паведамленні Нацбанка.

Нацыянальны банк ў 2014 годзе прадоўжыць штомесяц разглядаць пытанне аб узроўні стаўкі рэфінансавання з улікам фактычнай і прагнознай дынамікі інфляцыі і макраэканамічнай сітуацыі.