УДАР: Заўтра - папераджальная забастоўка
6- 12.02.2014, 16:53
- 8,321
Партыя УДАР заклікае ўкраінцаў заўтра а 12:00 узяць удзел у папераджальнай забастоўцы.
Пра гэта ў каментары «ЛІГАБізнесІнформ» паведаміў кіраўнік забастовачнага камітэта Кіева, сябра УДАРу Юрый Крыкуноў.
«Папераджальная забастоўка пройдзе ва ўсіх рэгіёнах краіны, яе арганізацыяй занятыя дзесяткі стачкамаў. Мы разлічваем, што ў адным толькі Кіеве ў забастоўцы возьмуць удзел 50 тысяч чалавек», - адзначыў Крыкуноў.
Кожны стачкам будзе самастойна абіраць фармат мерапрыемства. Напрыклад, на Падолі пікетуюць райдзяржадміністрацые, на Траешчыне правядуць шэсце. Крыкуноў таксама паведаміў, што супрацоўнікі буйных прадпрыемстваў не будуць удзельнічаць у папераджальнай забастоўцы.
Арганізатары папераджальнай забастоўкі прапануюць вылучыць уладзе шэраг патрабаванняў: вяртанне да Канстытуцыі 2004 года з памяншэннем паўнамоцтваў прэзідэнта, вывад з Кіева спецпадраздзяленняў, не прапісаных у сталіцы, пакаранне адказных за прымяненне сілы да дэманстрантаў, стварэнне ўрада народнага даверу.
Раней да усеўкраінскай забастоўкі заклікаў грамадзян лідар УДАРу, народны дэпутат Віталь Клічко.