Дыктатар захацеў залатыя талеркі «са знакам якасці»?

Скандальны заказ на посуд для рэзідэнцыі кіраўніка адменены. У яго ўнясуць змены.

Інфармацыя пра гэта размешчаная на афіцыйным сайце дзяржзакупак.

Пра тое, што УКБ Менгарвыканкама закупляе для рэзідэнцыі Лукашэнкі фарфор вядомай нямецкай фірмы Falken-Porzellan, стала вядома ў мінулым месяцы. Паводле дакументаў, прадмет закупкі складалі сотні ўнікальных сталовых прыбораў. Увесь посуд павінен быў быць аздобленым афіцыйным гербам Беларусі.

Аднак, мяркуючы па новаму дакументу, размешчанаму на сайце дзяржзакупак, праз месяц пасля размяшчэння замовы, УКБ Менгарвыканкама адмовіўся ад яго «з-за ўзнікнення неабходнасці ўнясення змяненняў у прадмет дзяржаўнай закупкі». Пра тое, якія менавіта змяненні, акрамя нанясення афіцыйнага герба на дарагі посуд, патрэбныя беларускім уладам, не паведамляецца.

Falken-Porzellan - нямецкі вытворца фарфору самай высокай якасці. Па звестках СМІ, посуд гэтай фірмы адрозніваецца «вытанчаным дызайнам, дасканалай белізной, цвёрдасцю і найбагацейшых глянцам у спалучэнні з чыстым золатам і плацінай ў 24 карата». Яго кошт дастаткова высокі па мерках Беларусі. Напрыклад, невялікі сталовы сервіз (на фота) абыйдзецца больш, чым у $1000.

Мануфактура шырока вядомая ва ўсім свеце дзякуючы эксклюзіўнаму дызайну і каштоўнасці выраблянага фарфору.