Кіраўнік кафедры БНТУ трапіўся на хабары
51- 13.02.2014, 9:44
- 29,678
Упраўленнем Следчага камітэта па Менску распачатыя крымінальныя справы ў дачыненні да кіраўніка кафедры і двух выкладчыкаў БНТУ.
"Дзеянні падазраваных кваліфікаваныя па ч. 1 арт. 430 (атрыманне хабару)", - паведамілі агенцтву "Інтэрфакс-Захад" у чацвер у аддзеле інфармацыі і сувязі з грамадскасцю СК Беларусі.
Устаноўлена, што падазраваныя прынялі незаконныя грашовыя ўзнагароды ў замежнай валюце за спрыяльнае рашэнне пытанняў, звязаных са здачай іспытаў і курсавога праекта.
Нагадаем, нядаўна стала вядома пра раскрыццё падобнай карупцыйнай схемы ў Беларускім дзяржаўным універсітэце.