Вашынгтон рыхтуецца да ўдару снежнага шторму (Відэа)

Вашынгтон рыхтуецца да ўдару снежнага шторму, які раней абрынуўся на поўдзень і паўднёвы ўсход ЗША, пакінуўшы без святла 360 тысяч дамоў.

У сераду з-за непагадзі было адменена больш чым 3,5 тысячы авіярэйсаў, многія з якіх звязаныя з адным з найбольш загружаных аэрапортаў краіны - у Атланце, штат Джорджыя, піша NEWSru.com.

Нацыянальная метэаслужба выпусціла папярэджанне аб будучых моцных снегападах і ледзяным дажджы пры парывах ветру да 15 метраў за секунду. На дарогах будзе галалёд, а мокры снег і моцны вецер могуць прывесці да часовых адключэнняў электрычнасці, гаворыцца ў дакуменце.

Служба заклікае пры неабходнасці адмовіцца ад аўтамабільных паездак, а калі яны ўсё ж неабходныя, з сабой лепш узяць дадатковы ліхтар, а таксама запасы ежы і вады.

У сувязі са штормам зачыніліся дзяржаўныя ўстановы ў Вашынгтоне і яго наваколлях, пра што паведамляецца на сайце ўрадавага Агенцтва па кіраванні персаналам.

Адмененыя і намечаныя на чацвер грамадскія мерапрыемствы. У прыватнасці, перанесена выступленне новага старшыні Федэральнай рэзервовай сістэмы ЗША Джанэт Елен, якая павінна была прадстаўляць у сенацкім банкаўскім камітэце даклад свайго ведамства аб манетарнай палітыцы.

Акрамя таго, адмененыя слуханні ў некалькіх камітэтах, на якіх планавалася разглядаць кандыдатуры на пасады намеснікаў міністраў у шэрагу федэральных ведамстваў, паведамляе Bloomberg.

Таксама часова зачыніліся шэраг школ у Вашынгтоне, дзе, як чакаецца, выпадзе да 20 сантыметраў снегу, і Філадэльфіі. Навучальныя ўстановы папярэдзілі пра гэта на сваіх сайтах. Школьнікі, вядома, рады такім абставінам, але бацькі і адміністрацыя асцерагаюцца, што з-за адмены заняткаў цяперашняй суровай зімой вучобу прыйдзецца падоўжыць летам, піша The Washington Post.

Раней рэжым надзвычайнай сітуацыі быў абвешчаны ў штатах Вірджынія, Мэрыленд, Паўночная і Паўднёвая Караліна, Джорджыя, Алабама, Місісіпі, Луізіяна, а таксама Нью-Джэрсі і Тэнэсі. Для паўднёвых штатаў, куды сапраўдныя зімовыя халады і снегапады прыходзяць вельмі рэдка, цяперашняя непагадзь стала сапраўдным бедствам. У Джорджыі, напрыклад, такіх снегападаў не было з 2000 года, адзначае ІТАР-ТАСС. Жыхары змялі з крамных паліц тавары першай неабходнасці - хлеб, малако і туалетную паперу.

Некаторыя сіноптыкі прадказвалі «катастрафічныя» наступствы для асобных раёнаў Джорджыі і для абедзвюх Каралін. Маразы сталі прычынай смерці некалькіх чалавек і мноства ДТЗ. У Паўночнай Караліне на хуткаснай шашы кіроўцы амаль 350 аўтамабіляў кінулі свае транспартныя сродкі, якія захраслі ў снезе, і пешшу дабраліся да бліжэйшых матэляў.

Сітуацыю ў паўднёвых рэгіёнах ЗША ілюструе відэанарэзка тэлеканала CNN:

Тэлеканал таксама паказаў запіс з беспілотнага лятальнага апарата, абсталяванага відэакамерай: