Польшча ўзмацняе каранцін праз АЧС у Беларусі і Літве
- 13.02.2014, 18:11
- 5,203
У Падляшскім ваяводстве ўзмоцненыя захады для прадухілення распаўсюджвання афрыканскай чумы свіней.
Пра гэта гаворыцца ў распараджэнні Падляшскага ваяводы (пераклад - charter97.org).
У сувязі з асяродкамі афрыканскай чумы свіней на тэрыторыі Беларусі і Літвы вызначаецца вобласць патэнцыйнага з'яўлення хваробы, якая ўключае Аўгустоўскі, Беластоцкі, Бельскі, Гайнаўскі, Манецкі, Сейненскі, Семятыцкі, Сакалоўскі, Сувалкскі паветы, а таксама Беласток і Сувалкі.
На гэтай тэрыторыі забараняецца праводзіць кірмашы і выставы, дзе прысутнічаюць свінні. Таксама забараняецца дастаўляць на гаспадаркі, свіней, мёртвых і адстрэленых кабаноў, іх туш, мяса ці мясных прадуктаў, не апрацаваных пры тэмпературы мінімум 80 градусаў Цэльсія.