Азаранка згуляе ў выставачных матчах лігі WTT

Беларуская тэнісістка Вікторыя Азаранка згуляе ў выставачных двубоях, якія праводзіць ліга World Team Tennis.

Матчы пройдуць з 6 да 23 ліпеня. Пра гэта паведамляе сайт gotennis.ru.

У кампаніі з Азаранкай на спаборніцтвах згуляюць амерыканка Вінус Уільямс, швайцарка Марціна Хінгіс і Даніэла Хантухава са Славакіі, для якой гэты выступ стане дэбютам.

Таксама ў турніры возьмуць удзел гаспадары кортаў Эндзі Родзік і браты Браяны, францужанка Марыён Барталі і шмат якія іншыя зоркі тэніса.