«Беркут» дагала раздзеў актывістаў і дзве гадзіны «купаў» у снезе

Сталічны апэляцыйны суд адпусціў адразу пецярых актывістаў Аўтамайдана пад хатні арышт.

І цяпер у родных куце - ужо 16 актывістаў, адну справу перанеслі, паведамляе сайт fakty.ictv.ua.

Гаворка ідзе пра тых апазіцыянераў, якіх уночы 23 студзеня ў цэнтры Кіева затрымалі і збілі «беркутаўцы», разбіваючы іхныя самаходы, хоць афіцыйная вэрсія міліцыі - гэта на міліцыю напалі агрэсіўныя актывісты. Адначасова са змякчэннем, следства перакваліфікавала ўсе справы: з хуліганства на ўдзел у масавых непарадках, а гэта больш сіберны артыкул - да 6-8 гадоў зняволення.

Багдана Суціка з Вінніччыны адпусцілі пад 24-гадзінны хатні арышт. Кажа, 23 студзеня нічога супрацьзаконнага не рабіў, а толькі паехаў разам з актывістамі на бусе з Майдана. А ля Марыінскага на іх напалі праваахоўнікі. «Я прыйшоў у прытомнасць, мяне адразу пачаў біць нагамі па галаве «Беркут». Мяне раздзелі, паклалі. Я дзве гадзіны праляжаў на снезе. У мяне цяпер запаленне лёгкіх», - распавядае мужчына. Адвакат будзе прасіць следчага адпусціць Багдана з-пад хатняга арышту ў шпіталь. І будзе скардзіцца ў Еўрапейскі суд на катаванні «Беркута» супраць невінаватых людзей. Затое ў сталічнай пракуратуры даюць справаздачу - з 71 актывіста, супраць якога завялі крымінальныя справы, 59 - пад хатнім арыштам, і толькі чацвёра - у следчым ізалятары. Спыніць ж справы абяцаюць, калі майданаўцы выканаюць усе ўмовы новага закона аб амністыі. А менавіта - да панядзелка вызваляць КГДА і разблакуюць цэнтр места. Гаворка ідзе пра вызваленне 9-ці вуліц у цэнтры сталіцы і дэмантаж 19-ці збудаваных там барыкад. Інакш затрыманым пагражае ад 8 да 15 гадоў турмы за ўдзел у масавых непарадках.

«Гэта не папярэджанне. Гэта тлумачэнне. Трэба мірна ўрэгуляваць гэтыя палітычныя і сацыяльныя канфлікты. Закон спыняе дзеянне, і будзем дзейнічаць так, як быццам гэтага закона не было», - кажа пракурор горада Кіева Мікалай Бяскішкі. Але еўрамайданаўцы закон пра закладнікаў не прызнаюць і наракаюць - пакуль улада не выканала ніводнага патрабавання Майдана. «Пакуль не будуць выкананыя патрабаванні, якія былі прагаласаваныя на веча, я думаю, што людзі не разыдуцца», - кажа камэндант Еўрамайдана Сцяпан Кубіў. Нягледзячы на непадатлівасць абодвух лагераў, і на Майдане, і ва ўладзе спадзяюцца, што да гвалтоўнага разгону мітынгоўцаў не дойдзе.