Мясніковіч папрасіў Макея дапамагчы распрадаць неліквід

Пытанні прасоўвання беларускай прадукцыі на знешнія рынкі былі абмеркаваныя сёння на пасяджэнні калегіі МЗС.

Міністр Уладзімір Макей выступіў з дакладам, у якім дадзеная крытычная адзнака дасягнутых вынікаў работы Міністэрства і замежных устаноў, прааналізаваныя ключавыя праблемныя пытанні з асаблівым акцэнтам на знешнеэканамічны блок і акрэсленыя шляхі іх рашэння ў мэтах выканання задач, якія стаяць перад сістэмай МЗС у 2014 годзе. Канкрэтныя прапановы з улікам спецыфікі рынкаў і сітуацыі ў розных рэгіёнах выказаныя таксама амбасадарамі Беларусі ў Італіі, Сербіі, Індыі, Украіне, паведамляе прэс-служба МЗС.

«У 2014 годзе ў цэнтры ўвагі МЗС і замежных устаноў будзе заставацца максімальнае выкарыстанне экспартнага патэнцыялу нашай краіны, а таксама прыцягненне прамых замежных інвестыцый у мэтах яго далейшага нарошчвання і мадэрнізацыі нацыянальнай эканомікі», - гаворыцца ў паведамленні.

Міністэрства працягне працу па стварэнні спрыяльных рамачных умоў для прасоўвання беларускай прадукцыі на знешнія рынкі і абароны айчынных вытворцаў з дапамогай інструментаў Мытнага саюза і Адзінай эканамічнай прасторы. У якасці ключавой задачы пазначанае забеспячэнне максімальна спрыяльных умоў будучага Еўразійскага эканамічнага саюза, якія адказваюць нацыянальным інтарэсам.

«У мэтах садзейнічання прасоўванню айчыннай прадукцыі на знешнія рынкі будзе пашырацца практыка двухступенчатай адраснай працы МЗС як з галіновымі міністэрствамі і канцэрнамі, так і з вядучымі беларускімі экспарцёрамі. Працягнецца адпрацоўка аптымальных лагістычных схем дастаўкі валаўтваральных экспартных тавараў іх спажыўцам за мяжой, развіццё сферы экспарту паслуг» - гаворыцца ў паведамленні.

Новыя рынкі плануецца ахапіць створанай у нашай краіне сістэмай стымулявання і фінансавай падтрымкі экспарту, якая закліканая эфектыўна дапоўніць традыцыйныя механізмы арганізацыі экспартных продажаў.

У заключным слове прэм'ер-міністр Беларусі Міхаіл Мясніковіч акцэнтаваў увагу на першачарговых задачах МЗС і замежных устаноў па прасоўванні экспарту, развіццю крэдытна-інвестыцыйнага супрацоўніцтва, узаемадзеяння з ключавымі знешнегандлёвымі партнёрамі нашай краіны.