Шклоўскія фермеры атрымалі $18 тысяч за ілжывае ДТЗ
16- 18.02.2014, 10:28
- 16,912
Два шклоўскіх фермера, бацька і сын, падазраюцца ў страхавым махлярстве з выкарыстаннем фальшывага ДТЗ.
Упраўленнем Следчага камітэта па Магілёўскай вобласці ўзбуджаная крымінальная справа ў дачыненні да кіраўніка фермерскай гаспадаркі «Родничок» і яго сына, які займае пасаду намесніка. Ім інкрымінуецца здзяйсненне злачынства па ч.4 арт.209 Крымінальнага кодэкса Беларусі (махлярства, здзейсненае арганізаванай групай альбо ў асабліва буйным памеры), піша «Ежедневник».
Паводле папярэдніх дадзеных следства, падгаварылі кіроўцу гаспадаркі здзейсніць махлярства з ілжывым ДТЗ і на гэтай падставе атрымаць у ЗАТ «СК «Белрасстрах» ЗАТ «СК «Белрострах» вялікую страхавую выплату за нібыта пабіты аўтамабіль.
Прытрымліваючыся сваёй задумы яны ў верасні 2013 года падалі ў ЗАТ «СК «Белрасстрах» загадзя ілжывае паведамленне аб тым, што мела месца ДТЗ і атрымалі больш за 172 мільёны рублёў.
Зараз усім траім пагражае да 10 гадоў пазбаўлення волі з канфіскацыяй маёмасці.