Расейскі пранкер разыграў алімпійскага чэмпіёна Ягудзіна (Відэа)

Раней расейскі фігурыст заявіў, што яму і яго сям'і пагражаюць расправай прадстаўнікі Яўгена Плюшчанкі.

У аўторак, 18 лютага, алімпійскі чэмпіён Солт-Лэйк-Сіці Аляксей Ягудзін заявіў, што яму тэлефанавалі невядомыя, якія прадстаўляліся у тым ліку Рудкоўскай, і пагражалі яму і яго сям'і. Пры гэтым Ягудзін адзначыў, што калі з ім нешта здарыцца, то ў гэтым трэба «вінаваціць Яну і Жэню і іх атачэнне».

Рудкоўская тут жа інфармацыю абвергла, адзначыўшы, што Ягудзін стаў ахвярай тэлефонных хуліганаў, піша «Комсомольская правда в Беларуси».

- Яшчэ мне сказалі, што спадара Ягудзіна сёння пранкі разыгралі, а ён думаў, што гэта я яму з пагрозамі тэлефанавала!) Эх, Лёша, Лёша!!!!) - напісала яна ў сваім «Твітэры».

Як аказалася, інцыдэнт сапраўды быў жартам вядомага пранкера Вавана. Газеце ўдалося датэлефанавацца да яго, і вось што ён сказаў:

- Першае, на каго падумалі, гэта, уласна, Яна, а потым ужо я. Але ўвогуле сітуацыя вельмі дзіўная атрымалася. Гэта ўчора ўвечары было, гадзін, можа быць, у 8. Патэлефанавалі Аляксею, разыгралі... Ніякіх не было, натуральна, пагроз. Але была нарэзка фраз Яны спачатку, якая абуралася каментарамі Аляксея ў прэсе, якія ён дае з нагоды выступлення Жэні. Нібыта Яна з ім размаўляла, ён размаўляў з Янай. Яна, як звычайна, яна была вельмі... нарэзкі фраз, яны такія вельмі экспрэсіўныя. Ён спрабаваў з ёй неяк паразумецца: Яна, што цябе так засмучае? Потым узяў слухаўку чалавек, які прадставіўся сябрам Яны. І вось ён абмаляваў сітуацыю, што Яна вельмі незадаволеная яго каментарамі, чаму вы не маглі проста прамаўчаць, а не даваць нейкія каментары. На што Аляксей сказаў, што гэта яго асабісты пункт гледжання, ён мае права. Тым больш ён робіць гэта ўсё пасля нейкіх заяў Плюшчанкі і Рудкоўскай.

У нас была такая нармальная размова. Калі гэта ўсё скончылася, праз пяць хвілін мы яму ператэлефанавалі, сказалі, што ніякіх Ян не было, і ўсё гэта быў розыгрыш. На што ён сказаў: «Як? То бок, гэта ўсё будзе заўтра ў Інтэрнэце?» Так, сказалі яму, вось такая сітуацыя. Ён злёгку, вядома, засмуціўся з гэтай нагоды, але ніякіх прыкмет абурэння ён не падаваў. Ён ужо ведаў, калі пісаў гэта ў «Твітэры», нібыта, што нехта там яму тэлефануе, ён ужо ведаў, што гэта быў розыгрыш. Для мяне гэта дзіўна, навошта трэба было пісаць такія рэчы, калі ёсць іншы запіс, дзе яму кажуць, што гэта розыгрыш. Гэта, можа быць, быў нейкі піяр з яго боку, каб прыцягнуць нейкую ўвагу да сваёй персоны, - сказаў Ваван.

Адзначым, гэты малады чалавек пару гадоў таму адным розыгрышам выклікаў вялікі грамадскі рэзананс. Для многіх пранкер «Ваван222» («пранк» - англ. «выхадка, жарт») да гэтага часу асацыюецца з вобразам Аркадзя Дварковіча, бо менавіта ад яго асобы ён датэлефанаваўся кіраўніку ЦВК Уладзіміру Чураву і «звольніў» яго. Размовы Вавана з палітыкамі, зоркамі футбола і шоў-бізнэса нярэдка станавіліся неафіцыйнымі сенсацыямі. Пры сустрэчы аказалася, не такі ўжо ён і міфічны, а звычайны хлопец 26 гадоў, крыху падобны на Урганта. Прыехаў у Маскву вучыцца на юрыста, пару гадоў адпрацаваў у прафесіі, але захапіўся пранкам. «Грошай гэта рамяство не прыносіць, - запэўнівае Ваван. - Хіба што ў апошні час, калі СМІ сталі плаціць за эксклюзіўнае размяшчэнне чарговага паспяховага розыгрышу».