«Наваполацкая спецаўтабаза» купляе машыну за 333 мільёна
12- 18.02.2014, 13:08
- 18,530
Гэтая сума роўная месячнай зарплаце 110 работнікаў.
«Наваполацкая спецаўтабаза» абвясціла тэндэр на закупку легкавога аўтамабіля коштам 332,75 млн рублёў. Машына па кошце ледзь упісваецца ў абмежаванне ў 25 тыс. еўра, а па курсе Нацбанка на 18 лютага нават перавышае ліміт, пішуць «Народныя навіны Віцебска».
Фінансуецца закупка з уласных сродкаў.
Прадстаўнікам «Наваполацкай спецаўтабазы», як вынікае з умоў закупкі, у машыне неабходныя 17-цалевыя колы і 7-ступеністая АКПП, бензінавы рухавік аб'ёмам 1,8 літра, ацынкаваны кузаў «хэтчбэк».
Пад заяўленыя параметры падышла б Skoda Octavia у максімальнай камплектацыі Elegance за 24 800 еўра, але 17-цалевыя колы на гэтую мадэль беларускія дылеры не ставяць нават у якасці опцыі. Зрэшты, падыдзе і Skoda Superb за 24 990 еўра, якая прапануецца на акцыйных умовах: там таксама 16-цалевыя колы, але іх можна замяніць апцыянальна.