Дэманстранты акружаюць Вярхоўную Раду барыкадамі
4- 18.02.2014, 13:45
- 9,355
Мітынгоўцы будуюць барыкады са смеццевых скрыняў і падручных будматэрыялаў.
На скрыжаванні вуліц Інстытуцкай і Шаўковічнай мітынгоўцы пачалі падносіць да будынка Вярхоўнай Рады жалезныя лаўкі, драўляныя дошкі, кардонныя скрынкі, піша gazeta.ua.
Акрамя таго, пратэстоўцы нясуць да парламента кантэйнеры для смецця. Усё гэта выкарыстоўваецца для ўзвядзення новых барыкад. Удзельнікі акцыі пратэсту, якая цяпер праходзіць у цэнтры Кіева, атрымліваюць падручныя сродкі з падвальнага памяшкання аднаго з дамоў. Пратэстоўцы для ўзвядзення барыкад таксама нясуць жалезныя дзверы і мяшкі з будаўнічымі матэрыяламі.
Нагадаем, сёння ў Кіеве аднавіліся сутыкненні паміж дэманстрантамі і сілавікамі. У раёне Вярхоўнай Рады мітынгоўцы прарвалі міліцэйскі кардон. На скрыжаванні вуліц Грушэўскага і Крэпастнога вала некалькі ўдзельнікаў мітынгу ўзлезлі на аўтамабілі, якія перагароджвалі дарогу, і выціснулі адтуль байцоў Унутраных войскаў. Пазней з'явілася інфармацыя, што на вуліцы Грушэўскага, па словах відавочцаў, загінулі дэманстранты. Як паведаміў тэлеканал Еспресо TV са спасылкай на прадстаўніка медыцынскай службы Еўрамайдана, нібыта ад рук снайпера загінулі два мітынгоўца ва ўзросце 30-35 гадоў, яны атрымалі кулявыя раненні ў галаву. Таксама прадстаўнік паведаміў, што, верагодна, снайпер вядзе агонь з шостага паверху аднаго з будынкаў на вуліцы Грушэўскага.
