Лешчанка апалчыўся на Плюшчанку
16- 18.02.2014, 15:27
- 29,361
Легенда расейскай эстрады Леў Лешчанка, які знаходзіцца на Алімпійскіх гульнях у Сочы, раскрытыкаваў фігурыста Яўгена Плюшчанку.
Па словах Льва Лешчанкі, спорт ператварылі ў шоў-бізнэс, а гэта рэчы несумяшчальныя, піша sport-express.ru.
- Жэня Плюшчанка мяне трошкі засмуціў, - сказаў Лешчанка.
- Трошкі?!
- Думаю, стратэгічна гэта быў няправільны ход перш за ўсё федэрацыі.
- Вам не здалося, што ў гэтай гісторыі шмат шоў-бізнесу - у горшым разуменні?
- Так, вядома, пра што гаварыць! Ператварылі спорт у шоў-бізнес, а гэта рэчы несумяшчальныя. Зусім іншая гісторыя.
- Дапусцiм, зараз Плюшчанка падыдзе да нас. Што яму скажаце?
- Ды нічога. Прайду міма. Ужо міма Рудкоўскай прайду - гэта дакладна. Хоць міма Жэні, напэўна, не прайду, гэта я пагарачыўся. Проста не буду з ім на гэтую тэму размаўляць. Гэта ж яго асабістае жыццё, правільна?
- А ці не грамадскае?
- Асабістае. Але яны здзейснілі памылку. Зразумела, што трэба жыць далей, трэба быць здаровым. Зарабляць грошы. Але калі ты здымаешся са спаборніцтваў і тут жа кажаш, што не збіраешся адмяняць гастролі, - гэта што?
- Гэта вельмі дзіўна.
- Ды не «дзіўна» гэта, а блюзнерства! Ну, ці вытрымалі б паўзу, потым казалі. Паведамілі, што раптам аднавіўся.
Нагадаем, 13 лютага расейскі фігурыст Яўген Плюшчанка зняўся з індывідуальнага турніру на Алімпіядзе ў Сочы. Рашэнне было прынята проста перад выступленнем фігурыста. Яўген Плюшчанка гэтым вечарам выйшаў на размінку і быў гатовы ўзяць удзел у спаборніцтвах. Аднак падчас размінкі, выканаўшы шэраг элементаў, ён адчуў боль у спіне. У выніку спартсмен вырашыў не выходзіць на старт.