Дэпутат Леся Арабец: Сілавікі застрэлілі траіх чалавек, сямёра - пры смерці
21- 18.02.2014, 16:08
- 17,378
Дэпутат Вярхоўнай Рады Украіны паведаміла пра новых ахвяраў сутыкненняў у цэнтры Кіева.
Леся Арабец напісала ў сваім акаўнце ў «Твітэры», што ў Доме афіцэраў знаходзяцца тры трупы актывістаў Еўрамайдана. Усе яны памерлі ад агнястрэльных раненняў, атрыманых сёння. Гэтую ж інфармацыю пацвярджае медыцынская служба Еўрамайдана.
Три трупа в будинку офіцерів. Наших. Ще 7 при смерті. Швидкі не пускають!!!!
— Lesya Orobets (@LesyaOrobets) 18 февраля 2014
Ольга Богомолець підтвердила - троє загиблих. Сотні поранених #Євромайдан #Евромайдан #Euromaidan
— ЄВРОМАЙДАН (@euromaidan) 18 февраля 2014
Нагадаем, сёння ў Кіеве аднавіліся сутыкненні паміж дэманстрантамі і сілавікамі. У раёне Вярхоўнай Рады мітынгоўцы прарвалі міліцэйскі кардон. На скрыжаванні вуліц Грушэўскага і Крэпастнога вала некалькі ўдзельнікаў мітынгу ўзлезлі на аўтамабілі, якія перагароджвалі дарогу, і выціснулі адтуль байцоў Унутраных войскаў. Дзесяткі чалавек як з боку дэманстрантаў, так і з боку сілавікоў - атрымалі раненні.