СБУ і МУС запатрабавалі сысці з Майдана да 18:00
12- 18.02.2014, 17:35
- 8,805
Кіраўнікі СБУ і МУС заклікаюць лідараў апазіцыі супакоіць пратэстоўцаў і пачаць перамовы і даюць ім на гэта дзве гадзіны.
Пра гэта гаворыцца ў сумеснай заяве ведамстваў, апублікаванай у аўторак .
У заяве паказана, што «экстрэмісты з апазіцыі перайшлі мяжу - яны забіваюць на вуліцах сталіцы ні ў чым невінаватых людзей, здзекуюцца з жанчын, паляць і падрываюць дамы і аўтамабілі», піша «Украинская правда».
У СБУ заявілі, што ў цэнтры Кіева пачынаецца хаос, а «лідары апазіцыі па тэлефоне ажыццяўляюць рэжысуру гэтых злачынстваў».
«Мы не можам дапусціць далейшага нагнятання канфлікту. Шараговыя грамадзяне звяртаюцца да ўладаў з заклікамі навесці парадак, вярнуць стабільнасць і мір ва Украіне», - сказана ў заяве.
У СБУ і МУС заклікалі лідараў апазіцыі неадкладна супакоіць пратэстоўцаў, спыніць узброенае супрацьстаянне і вярнуцца за стол перамоваў.
Сілавікі таксама папярэдзілі што «будуць вымушаныя звярнуцца да жорсткіх дзеянняў, калі будзе працягвацца беспарадак».
«Трэба даць рэжысёрам бязладзіцы роўна гадзіну часу. У выпадку, калі ў 18.00 бясчынствы не спыняцца, мы будзем абавязаныя навесці парадак спосабамі, прадугледжанымі законам».