Дэпутаты ад апазіцыі пакідаюць Раду і ідуць на Майдан
1- 18.02.2014, 17:38
- 5,278
Апазіцыянеры пасля нарады са спікерам парламента вырашылі адправіцца на Майдан.
Пра гэта заявіў дэпутат ад фракцыі Батькивщина Аляксандр Турчынаў пасля нарады ў спікера Вярхоўнай Рады Уладзіміра Рыбака.
У той жа час байцы "Беркута" пачалі перамяшчацца з вуліцы Грушэўскага ў бок Еўрапейскай плошчы. Варта адзначыць, што ў барыкад каля стадыёна "Дынама" практычна не было мітынгоўцаў, і сілавікі займаюць плошчу без супраціву.
У сваю чаргу, Міністэрства ўнутраных спраў і Служба бяспекі Украіны апублікавалі сумесную заяву, у якой запатрабавалі ад апазіцыі спыніць беспарадкі да 18:00, інакш "пачнуць жорсткія дзеянні".