Адэскі «Беркут» адмаўляецца ехаць у Кіеў

Радавыя байцы «Беркута» з Адэсы просяць блакаваць іх, каб не ехаць у Кіеў.

Адэскіх супрацоўнікаў «Беркут» збіраюцца адпраўляць у сталіцу. Пра гэта на сваёй старонцы ў «Фэйсбуку» паведаміла прэс-сакратар адэскай арганізацыі «УДАРа» Алена Балаба, піша glavnoe.ua.

Паводле ейнай інфармацыі, шараговыя байцы просяць блакаваць уваходы і не пускаць сілавікоў у Кіеў. Перакінуць у сталіцу збіраюцца 200 чалавек.

«Народ, яны там таксама людзі падначаленыя, ехаць не хочуць, але баяцца. Трэба проста перакрыць кісларод», - піша актывістка Еўрамайдана.