Заходнія лідары не могуць датэлефанавацца да Януковіча
22- 18.02.2014, 21:43
- 15,540
Прэзідэнт Украіны не бярэ слухаўку.
Канцлер Нямеччыны Ангела Меркель спрабуе звязацца з Прэзідэнтам Украіны Віктарам Януковічам у сувязі з падзеямі, якія адбываюцца ў цэнтры Кіева, аднак кіраўнік украінскай дзяржавы не бярэ слухаўку.
Пра гэта паводле вынікаў сустрэчы з амбасадарамі паведаміла LB.ua інфармаваная крыніца.
Прэзідэнт Украіны цягам усяго дня не адрэагаваў на тое, што адбываецца ў цэнтры Кіева. А тым не менш, загінулі ўжо 9 чалавек. Праз свайго прадстаўніка ў Вярхоўнай Радзе і спікера Уладзіміра Рыбака ён прызначыў апазіцыі сустрэчу на заўтрашнюю раніцу. Аднак "Беркут" ужо пачаў штурм Майдана.