Фотафакт: беларусы прынеслі свечкі да амбасады Украіны ў Вільні
1- 19.02.2014, 9:43
- 5,811
Беларускія актывісты ўшанавалі памяць загінулых у Кіеве дэманстрантаў.
Да амбасады Украіны ў літоўскай сталіцы яны прынеслі свечкі, піша «Наша Нiва».
Нагадаем, 18 лютага ў цэнтры Кіева адбыліся найбольш жорсткія сутыкненні паміж дэманстрантамі і сілавікамі. Яны пачаліся ўчора раніцай адразу пасля адкрыцця пасяджэння Вярхоўнай Рады, на якім разлічвалі вырашыць палітычны канфлікт у краіне. Па мітынгоўцах стралялі з драбавікоў, спецназаўцы выкарыстоўвалі гранаты, гумовыя кулі і карцеч. Вакол Вярхоўнай Рады актывісты ўзвялі новыя барыкады, аднак неўзабаве іх выціснулі з урадавага квартала. Медыкі і дэпутаты паведамілі пра пяць загінулых. Вечарам і ноччу, пасля пачатку зачысткі самога Майдана Незалежнасці, колькасць забітых вырасла да 19 чалавек. Некалькі сотняў дэманстрантаў атрымалі раненні.