Рэктар кіеўскай Палітэхнікі: Удзел у пратэстах - не прагул
2- 19.02.2014, 9:43
- 6,485
Міхаіл Згуроўскі не будзе лічыць пропускам удзел студэнтаў у акцыях пратэсту.
Выкладчыкі і адміністрацыя КПІ з разуменнем ставяцца да сітуацыі, якая склалася. Пра гэта рэктар Кіеўскага палітэхнічнага інстытута напісаў у сваім акаўнце ў сацыяльнай сетцы «Вконтакте».
«Ненаведванне заняткаў не будзе лічыцца пропускам», - паведаміў Міхаіл Згуроўскі.
Нагадаем, 18 лютага ў цэнтры Кіева адбыліся найбольш жорсткія сутыкненні паміж дэманстрантамі і сілавікамі. Яны пачаліся ўчора раніцай адразу пасля адкрыцця пасяджэння Вярхоўнай Рады, на якім разлічвалі вырашыць палітычны канфлікт у краіне. Па мітынгоўцах стралялі з драбавікоў, спецназаўцы выкарыстоўвалі гранаты, гумовыя кулі і карцеч. Вакол Вярхоўнай Рады актывісты ўзвялі новыя барыкады, аднак неўзабаве іх выціснулі з урадавага квартала. Медыкі і дэпутаты паведамілі пра пяць загінулых. Вечарам і ноччу, пасля пачатку зачысткі самога Майдана Незалежнасці, колькасць забітых вырасла да 19 чалавек. Некалькі сотняў дэманстрантаў атрымалі раненні.