Як праехаць у Кіеў: адкрытыя і закрытыя шляхі

З-за рэвалюцыйных падзей і сутыкненняў з сілавікамі, якія працягваюцца ў сталіцы, ДАІ перакрывае шляхі на ўезд у сталіцу.

У прыватнасці, перакрытая Барыспальская траса ў двух месцах. Адкрытая толькі адна паласа. Машыны правяраюць, паведамляецца на старонцы Еўрамайдана ў «Фэйсбуку», піша NEWSru.ua.

З Бровараў у Кіеў - прапускаюць толькі праз 1 паласу з чатырох, астатнія занятыя грузавікамі з пяском. Гэты КП можна аб'ехаць, павярнуўшы направа перад КП (праз запраўку з газам, або праз Пухоўку і Зазім’е).

Варшаўская траса на выездзе з Гастомеля ў бок Кіева засыпаная пяском. Адкрыты толькі вузенькі праезд для руху па адной машыне. Аналагічная сітуацыя пры ўездзе ў Кіеў на КПП - там дарогу перакрываюць КрАЗ з пяском. Усюды ўзмоцненыя пасты ДАІ.

На выездзе з Абухоў (Таценкі) у Кіеў стаяць тры БТР і машыны з пяском і камянямі, стаяць ДАІшнікі і прапускаюць толькі легкавыя і маршруткі, папярэдне правяраючы.

Калі дабірацца да сталіцы, то лепш або Ірпенскай, бучанскай маршруткамі або электрычкамі. На КП у Пушчы Водзіцы таксама КП.

Уезд у Кіеў з Вышгарада - вольны.

Што тычыцца сталіцы, то па інфармацыі карыстальніка Facebook Алега Хаўрука, сітуацыя на вуліцах у цэнтры Кіева такая (па стане на 09.00):

У радыусе 2 км вакол Майдана стаяць ДАІ, у большасці па 3 і больш машыны, дарогі пакуль не перакрытыя. Нават на маленькіх вулачках дзяжураць ДАІ з аўтаматамі, аглядаюць салон і багажнік на прадмет зброі.

Больш ДАІ - 7 машын - на Львоўскай плошчы, стаяць таксама на б-ры Дружбы Народаў, на мосце з Маскоўскай плошчы ў бок Лесі Украінкі, ёсць машына на Ганчара, Лесі Украінкі, каля ЦВК, скрыжаванне Уладзімірскай і Тараса Шаўчэнкі.

Пасты можна ўбачыць уключыўшы Yandex Navigator на смарце.

Фота: Reuters