У Літве аб'яўляюць жалобу з-за падзей ва Украіне
3- 19.02.2014, 17:10
- 4,717
Урад Літвы аб'яўляе жалобу ў сувязі з трагічнымі падзеямі ва Украіне, якія панеслі жыцці людзей.
Жалоба аб'яўляецца 20 лютага. Такое рашэнне ў сераду прыняў урад. У чацвер павінны вывесіць сцягі з жалобнымі стужкамі, піша ru.delfi.lt.
Ва Украіне ўжо некалькі месяцаў доўжацца пратэсты супраць прэзідэнта Віктара Януковіча. Яны пачаліся пасля таго як у лістападзе мінулага года Януковіч не падпісаў у Вільні асацыятыўнае пагадненне з Еўразвязам.
У апошнія дні дэманстрацыі перараслі ў крывавыя сутыкненні, падчас якога загінулі дзесяткі чалавек.