Супрацоўнікі ДАІ стралялі па аўто п'янага зуха пад Хойнікамі

Аўтамабіль з нецвярозым кіроўцам змаглі спыніць толькі стрэлам.

Пра гэта паведамляе прэс-служба УУС Гомельскага аблвыканкама.

У дзяжурную частку міліцыі паступіў званок ад кіроўцы малакавоза, які паведаміў, што ён ехаў па аўтадарозе Гомель-Кобрын у горадзе Рэчыца, падчас руху ягоны аўтамабіль сутыкнуўся з аўтамабілем ВАЗ чырвонага колеру, які рухаўся ззаду ў спадарожным кірунку. Ад удару «легкавік» развярнула і ён з'ехаў у кювет. З аўтамабіля выйшлі кіроўца, пасажыр і пасажырка, якія выпіхнулі свой аўтамабіль з кювета і з'ехалі з месца здарэння ў напрамку Хойнікаў.

Пры гэтым, паводле вонкавых прыкмет, і кіроўца і пасажыры здаваліся п'янымі.

«Аб прыкметах аўтамабіля інфармацыя была накіраваная ў суседнія раёны і перададзеная ўсім патрульным нарадам, які праводзілі нагляд за дарожным рухам. Гэтую інфармацыю атрымалі і супрацоўнікі ДПС АДАІ Хойніцкага РАУС, якія дзяжурылі на службовым аўтамабілі ў Хойніках. Экіпаж неадкладна выехаў на аўтадарогу Рэчыца-Хойнікі і ўжо на 55 кіламетры імі быў заўважаны падобны паводле прыкмет аўтамабіль.

Інспектарамі ДПС была зробленая спроба спынення транспартнага сродку, ВАЗ, што рухаўся ў бок патрульнага аўтамабіля праігнараваў патрабаванне супрацоўнікаў міліцыі аб прыпынку і, павялічыўшы хуткасць, працягнуў рух у бок Хойнікаў», - гаворыцца ў паведамленні.

Супрацоўнікі міліцыі пачалі пераслед парушальніка на службовым аўтамабілі з уключанымі пробліскавымі маячкамі сіняга і чырвонага колеру і праз гучнагаварыцель запатрабавалі, каб кіроўца спыніўся. Аднак кіроўца далей ігнараваў патрабаванні супрацоўнікаў ДАІ, і рухаўся на сваім аўтамабілі, выязджаючы на паласу сустрэчнага руху з мэтай перашкоды аўтамабілю ДПС здзейсніць абгон. З дзеянняў кіроўцы можна было з упэўненасцю сказаць, што ён не аддае справаздачы сваім дзеянням і з кожным яго пройдзеным кіламетрам у напрамку г. Хойнікі, небяспека ўзрастала - маглі пацярпець ні ў чым не вінаватыя людзі. Кіроўца працягваў ігнараваць патрабаванні супрацоўнікаў ДАІ, і рухаўся на сваім аўтамабілі, выязджаючы на паласу сустрэчнага руху для перашкоды аўтамабілю ДПС здзейсніць абгон. Паводле дзеянняў кіроўцы можна было з упэўненасцю сказаць, што ён не аддае справаздачы сваім дзеянням і з кожным яго пройдзеным кіламетрам у напрамку г. Хойнікі, небяспека ўзрастала - маглі пацярпець ні ў чым не вінаватыя людзі.

Для недапушчэння ўезду парушальніка ў горад супрацоўнікамі міліцыі была прынятая пастанова аб ужыванне табельнай агнястрэльнай зброі. Папярэдзіўшы праз «гучную сувязь» кіроўцу аб выкарыстанні зброі, інспектар ДПС АДАІ зрабіў 2 папераджальныя стрэлы ў паветра, пасля чаго здзейсніў прыцэльны стрэл у пярэдняе левае кола аўтамабіля ВАЗ і з першага стрэлу пашкодзіў шыну, праз 150 метраў пераследваны аўтамабіль спыніўся і парушальнік дарожнага руху быў затрыманы. Ім быў саракагадовы жыхар Хойнікаў, які кіраваў аўтамабілем не маючы пасведчання кіроўцы. Кіроўца быў моцна п'яны, прыбор «алкатэст 203» паказаў 4,1 праміле ўтрымання алкаголю ў крыві. Супрацоўнікі Дзяржаўтаінспекцыі склалі ў дачыненні «бяспраўнага» кіроўцы некалькі адміністрацыйных пратаколаў: за кіраванне аўтамабілем у стане ап'янення, пры гэтым не маючы права на кіраванне, за невыкананне неаднаразовых патрабаванняў супрацоўнікаў міліцыі аб прыпынку транспартнага сродку, за дзеянні, якія прывялі да стварэнне аварыйнай абстаноўкі і за ўчыненне дарожна-транспартнага здарэння. Аўтамабіль ВАЗ быў дастаўлены на штрафстаянку.