Еўрапейская біржа адмовілася размяшчаць еўрабонды Украіны

Інвестары масава збываюць украінскія еўрааблігацыі.

Ірландская фондавая біржа скасавала лістынг дадатковай эмісіі еўрабондаў Украіны на $2 мільярды. Яна скасавала пастанову ад 17 лютага аб уключэнні ў лістынг дадатковай эмісіі двухгадовых еўрааблігацый Украіны са сплатай у 2015 годзе сумай $1 млрд 984,838 млн, спасылаючыся на тое, што яны яшчэ не эмітаваныя, піша "Цензор.НЕТ".

"Паколькі названыя каштоўныя паперы яшчэ не эмітаваныя, пастанова ад 17 лютага аб уключэнні іх у лістынг і допуску да звароту была памылковай", - паведамляецца на вэб-сайце біржы ў сераду.

Замежныя інвестары ў сераду масава рынулі збываць украінскія суверэнныя еўрааблігацыі, баючыся дэфолту краіны на фоне абвастрэння ў краіне пратэстных настрояў.

Паводле звестак агенцтва Bloomberg, каціроўкі еўрабондаў Украіна-14 пад 17:00 спусціліся на 3,25 адсоткавых пункты (п.п.) у выніку чаго іх даходнасць узляцела на 13,388 а.п. - да 33,941% гадавых.

Разам з тым, больш за ўсіх у прызначаны тэрмін абваліліся каціроўкі еўрааблігацый са сплатай: у лістападзе 2017 - на 6,819 а.п., да 79,842% наміналу (прыбытковасць узляцела да 13,853% гадавых), у чэрвені 2016 - на 6,258 а.п., да 81,029% наміналу (16,417 % гадавых) і ў красавіку 2023 - на 5,762 а.п., да 78,414% наміналу (11,35 % гадавых).