Хакеісты Швецыі і Канады згуляюць у фінале Алімпіяды

Зборная Канады па хакеі здабыла перамогу ў паўфінальным матчы алімпійскага турніру над камандай ЗША з лікам 1:0.

Адзіную шайбу сустрэчы закінуў форвард Джэймі Бэн на пачатку другога перыяду.

У фінале, які пройдзе ў Сочы 23 лютага, канадцам трэба будзе пазмагацца са зборнай Швецыі, якая раней у пятніцу адолела Фінляндыю з лікам 2:1.

Расейскія заўзятары чакалі, што ў фінале Алімпіяды з канадцамі сустрэнецца іх каманда, аднак яна выбыла на стадыі чвэрцьфіналу, саступіўшы фінам з лікам 1:3.

Фота: EPA/