Яшчэ адзін пайшоў

Ігар Калетнік склаў з сябе паўнамоцтвы ўслед за спікерам парламента Уладзімірам Рыбаком.

Першы віцэ-спікер Вярхоўнай Рады Украіны Ігар Калетнік падаў у адстаўку. Пра гэта заявіў віцэ-спікер парламента Руслан Кашулінскі, які адкрыў і вядзе сённяшняе пасяджэнне Вярхоўнай Рады.

Сёння ж спікер Вярхоўнай Рады Уладзімір Рыбак склаў з сябе паўнамоцтвы кіраўніка парламента.

Кашулінскі адзначыў: «Уладзімір Рыбак у сувязі з хваробай і лячэннем склаў з сябе паўнамоцтвы кіраўніка парламента».

У зале зарэгістравана 248 народных дэпутатаў.