Яцэнюк: Януковіч даў падставы для ягонай неадкладнай адстаўкі
24- 22.02.2014, 12:20
- 4,347
У Радзе прагназуюць, што датэрміновыя выбары прэзідэнта могуць адбыцца ўжо 27 красавіка.
Адмова падпісання прэзідэнтам Украіны Віктарам Януковічам прынятых учора законаў з'яўляецца падставай для яго неадкладнай адстаўкі. Пра гэта заявіў, выступаючы з парламенцкай трыбуны, лідар фракцыі Бацькаўшчына Арсень Яцэнюк, - паведамляе карэспандэнт ЛІГАБізнесІнформ.
Ён адзначыў, што кіраўнікам парламенцкіх фракцый трэба тэрмінова сабрацца ў кабінеце кіраўніка Вярхоўнай Рады і падрыхтаваць актуальныя пастановы.
Раней народны дэпутат Мікалай Рудзькоўскі адзначыў, што парламент павінен абраць новага спікера, прызначыць выконваючага абавязкі прэм'ер-міністра, а таксама выконваючага абавязкі СБУ і кіраўніка МУС.
«Вярхоўная Рада за выходныя павінна сфармаваць усе выканаўчыя органы ўлады, каб з панядзелка магла нармальна функцыянаваць краіна», - сказаў Рудзькоўскі.
Народны дэпутат Алег Ляшко адзначыў, што калі сёння прыняць пастанову аб датэрміновых прэзідэнцкіх выбарах, яны ў адпаведнасці з Канстытуцыяй могуць быць прызначаныя на 27 красавіка гэтага года. Таксама, з ягоных слоў, неабходна будзе сфармаваць склад ЦВК, якая забяспечыць правядзенне сумленных і празрыстых прэзідэнцкіх выбараў.