МЗС Беларусі: У нас не хаваюцца ўкраінскія высокапастаўленыя асобы
45- 22.02.2014, 14:04
- 3,743
Прэс-сакратар МЗС Беларусі заявіў аб «правакацыі» і пра пагрозы на адрас беларускай амбасады ў Кіеве.
- У сувязі з паведамленням, што з'яўляюцца ў асобных сродках масавай інфармацыі аб тым, што на тэрыторыі Рэспублікі Беларусь хаваюцца высокапастаўленыя чыноўнікі і палітычныя дзеячы Украіны. А таксама ў сувязі з пагрозамі, што кідаюцца ў адрас амбасады Беларусі ў Кіеве, заяўляем, што дадзеная інфармацыя не адпавядае рэчаіснасці. Такіх асоб на тэрыторыі Беларусі няма.
Міністэрства замежных спраў разглядае падобныя інсінуацыі як наўмысную правакацыю.
Выклікаюць таксама абурэнне паўторныя выпадкі абстрэлаў аўтатранспартнай тэхнікі з рэгістрацыйнымі нумарамі Рэспублікі Беларусь, якая праязджае па тэрыторыі Украіны. Гэта абсалютна недапушчальна ў еўрапейскай краіне.
У сувязі з гэтым адзначаем, што Украіну і Беларусь гістарычна звязваюць даўнія і цесныя повязі дружбы і ўзаемаразумення.
Спробы некаторых сіл убіць клін у сяброўскія беларуска-ўкраінскія стасункі заслугоўваюць рэзкае асуджэнне і не будуць успрынятыя народамі нашых краін, - заявіў Дзмітрый Мірончык.