Беларусаў затрымалі на мяжы з Украінай
8- 22.02.2014, 15:47
- 2,828
Актывістаў «Маладога фронту» Міколу Дзямідзенку і Дзмітрыя Крамянецкага затрымалі на ўкраінскай мяжы.
Ім паставілі штампы аб забароне ўезду на тэрыторыю Украіны на 5 гадоў і адвезлі на беларускі бок. Там актывістаў трымалі ў чаканні міліцыі, а потым адвезлі ў Ельск. Актывісты накіроўваліся на Майдан ў Кіеў, паведамляе mfront.net.
У Ельску ў актывістаў канфіскавалі тэлефоны і склалі на іх пратаколы. Сувязі з Мікалаем Дземідзенкам і Дзмітрыем Крамянецкім няма.
Падчас папярэдняга візіту ў суседнюю краіну (10-20 студзеня) з хлопцаў узялі падпіску аб няўдзеле ў пратэстных акцыях на тэрыторыі Украіны.