Самаабарона Майдана затрымлівае дэпутатаў ля «Жулян»

Самаабарона Майдана дзяжурыць ля аэрапорта «Жуляны» для таго, каб не даць магчымасці прадстаўнікам органаў улады пакінуць краіну.

Паводле інфармацыі відавочцаў, прадстаўнікі самаабароны затрымліваюць дэпутатаў і не даюць ім магчымасці вылецець з Кіева, піша «Інтэрфакс-Украіна».

У прыватнасці, назад у Кіеў ужо адправілі дэпутата Уладзіміра Медзяніка з фракцыі Партыі рэгіёнаў.

Акрамя таго, у сетцы паведамілі і пра затрыманні дэпутата Генадзя Васільева, які раней выйшаў з фракцыі Партыі рэгіёнаў.