Дзярждума Расеі: Жаласны канец Януковіча

Прадстаўнік Дзярждумы Аляксей Пушкоў пракаментаваў падзеі, якія адбываюцца ва Украіне.

Старшыня камітэта Дзярждумы ў міжнародных справах Аляксей Пушкоў уважае апошнія падзеі на Украіне канцом прэзідэнцтва Януковіча, піша segodnya.ua.

«У рэзідэнцыю Януковіча «Межыгор'і» пад Кіевам пускаюць каго заўгодна: сам ён збег, ахова збегла, персанал разбегся... Жаласны канец прэзідэнта», - напісаў Пушкоў ў сваім мікраблогу ў «Твітэры» ў суботу.

Нагадаем, Віктар Януковіч назваў падзеі, якія адбываюцца ў апошні час ва Украіне, дзяржаўным пераваротам і заявіў, што не падасць у адстаўку і не будзе з'язджаць з краіны.

Яго рэзідэнцыя ў Межыгор'і цяпер адкрытая для ўсіх жадаючых. Людзі свабодна знаходзяцца на тэрыторыі.