Юлія Цімашэнка мае намер удзельнічаць у выбарах прэзідэнта Украіны
5- 22.02.2014, 19:31
- 3,510
Экс-прэм'ер Украіны заявіла аб намеры браць удзел у датэрміновых прэзідэнцкіх выбарах.
Адпаведную заяву Юлія Цімашэнка зрабіла сёння перад вылетам з Харкава ў Кіеў. Яна мае намер адправіцца ў сталіцу Украіны спецрэйсам, які прыбудзе ў аэрапорт «Жуляны».
Экс-прэм'ер сказала некалькі слоў сваім прыхільнікам і журналістам, якія сабраліся сустракаць яе каля бальніцы Укрзалізныці ў Харкаве. «Уся наша родная краіна можа з сённяшняга дня убачыць сонца, неба. Таму што дыктатура сёння пала, і ўпала яна не дзякуючы палітыкам, дыпламатам, а яна ўпала дзякуючы тым людзям», - сказала Цімашэнка, піша «Лiга.НЕТ».
Нагадаем, 22 лютага Вярхоўны Рада прыняла пастанову аб выкананні міжнародных абавязанняў Украіны адносна вызвалення экс-прэм'ер міністра Украіны Юліі Цімашэнкі. Цімашэнка ў кастрычніку 2011 года была прысуджаная да сямі гадоў пазбаўлення волі за перавышэнне паўнамоцтваў пры падпісанні газавых кантрактаў з Расеяй у 2009 годзе.