Аляксандр Турчынаў: Януковіч спрабаваў збегчы у Расею
4- 22.02.2014, 20:02
- 4,179
Зараз Віктар Януковіч знаходзіцца ў Данецкай вобласці.
Пра гэта заявіў спікер Вярхоўнай Рады Аляксандр Турчынаў.
«Ён паспрабаваў сесці на самалёт, які павінен быў ляцець у РФ, але яго спынілі памежнікі. Зараз хаваецца дзесьці ў Данецкім рэгіёне», - сказаў ён, прадстаўляючы прызначанага ў суботу Вярхоўнай Радай в.а. міністра ўнутраных спраў Арсена Авакава каманднаму складу ведамства ў Кіеве, паведамляе «Інтэрфакс».
Турчынаў дадаў, што экс-генпракурор Віктар Пшонка і экс-кіраўнік міністэрства даходаў і збораў Украіны Аляксандр Кліменка паспрабавалі прайсці мяжу з Расеяй у Данецкай вобласці, але ім гэта не ўдалося.
«Іх паспрабавалі затрымаць, але са стральбой аховы яны адбіліся», - заявіў Турчынаў.