Віталь Клічко: Гэта палітычны накаўт уладаў

Ключавое патрабаванне людзей на Майдане выканана - прэзідэнт Віктар Януковіч адпраўлены ў адстаўку.

Пра гэта заявіў лідар "УДАРу" Віталь Клічко ў каментарах журналістам у кулуарах Вярхоўнай Рады, паведамляе "Цензор.НЕТ".

"Сёння раніцай я быў на Майдане, меў стасункі з людзьмі. Ключавое патрабаванне людзей - каб Януковіч сышоў у адстаўку. Я паабяцаў, што сёння ў парламенце мы зробім усё для гэтага. І ключавая пастанова была прынятая - Януковіч больш не прэзідэнт, а выбары прызначаныя на 25 траўня. Я ўпэўнены, што гэта палітычны накаўт Януковіча", - сказаў Клічко.

Ён таксама адзначыў, што сёння Вярхоўная Рада прыняла шмат важных пастаноў.

"Мы робім усё, каб больш не пралівалася кроў на вуліцах Украіны, каб ніводзін чалавек не загінуў, каб адбылася пераладаванне ўлады і пачаліся сапраўдныя рэформы", - падкрэсліў лідар "УДАРу".

Адказваючы на пытанне журналіста, ці гатовы ён балатавацца ў прэзідэнты, Клічко адказаў: "Я разумею ўсю адказнасць гэтага кроку і гатовы да гэтага. Мая прысутнасць у палітыцы - гэта вялікая матывацыя, каб Украіна стала сучаснай еўрапейскай краінай".