Беларускіх алімпійцаў у Менску сустрэнуць чырвонай дывановай дарожкай

Беларускія алімпійскія чэмпіёны прыбудуць у Нацыянальны аэрапорт Менск спецыяльным рэйсам на борце №1.

Для атлетаў на лётным полі прыгатаваная чырвоная дывановая дарожка, у якой выбудаваная рота ганаровай варты, а таксама ваенны аркестр. У сваю чаргу павітаць чэмпіёнаў прыбудуць заўзятары з усёй Беларусі, піша aif.by.

«Сустрэча алімпійцаў будзе праходзіць у Нацыянальным аэрапорце Менск у зоне ўрадавага сектара, - распавёў Васіль Корнеў, намеснік генеральнага дырэктара Нацыянальнага аэрапорта Менск. - Сустрэча будзе праходзіць на вышэйшым узроўні. Будзе высланая чырвоная дывановая дарожка, сустракаць алімпійцаў будуць дзяўчыны ў нацыянальных касцюмах Беларусі з хлебам-соллю, кветкі, аркестр. З аэрапорта атлеты накіруюцца па сталічных вуліцах да плошчы Перамогі, дзе ўскладуць вянкі да манумента. Гэтыя Алімпійскія гульні па колькасці заваяваных залатых медалёў сталі лепшымі за ўсю суверэнную гісторыю Беларусі. Усяго ж наша зборная прывезла з Сочы шэсць медалёў: 5 залатых (3 у Домрачавай, па 1-му ў фрыстайлістаў Алы Цупер і Антона Кушніра), а таксама 1 бронзавы (у біятланісткі Надзеі Скардзіна). Біятланістка Дар'я Домрачава, а таксама іншыя беларускія алімпійскія чэмпіёны прыбудуць у Нацыянальны аэрапорт Менск спецыяльным рэйсам на борце №1».