Януковіча і Азарава выключаць з Партыі рэгіёнаў
- 24.02.2014, 11:20
- 2,380
За выходныя з фракцыі Партыі рэгіёнаў выйшлі 78 з 209 народных дэпутатаў.
«Фракцыя працягвае існаваць, мы будзем працаваць у апазіцыі», - абвясціў намеснік кіраўніка фракцыі Партыі рэгіёнаў Сяргей Цігіпка.
Змяняць кіраўніцтва фракцыі, у тым ліку яе старшыню Аляксандра Яфрэмава, у ПР пакуль не плануюць, але чакаюць, што фракцыю пакінуць яшчэ як мінімум дзесяць народных дэпутатаў. У той жа час на ўзроўні кіраўніцтва Партыі рэгіёнаў рыхтуюцца кадравыя змены.
Як стала вядома «КоммерсантЪ-Украина», у бліжэйшы час Цігіпка ініцыюе з'езд для перавыбрання кіраўніка партыі Мікалая Азарава.
«Кадравыя змены ў партыі абавязкова будуць, яе ўзначаліць Сяргей Цігіпка. Віктара Януковіча і Мікалая Азарава з партыі выключаць», - паведамілі выданню адразу два прадстаўнікі ПР.