Лукашэнка падмануў алімпійцаў
6- 24.02.2014, 15:20
- 3,114
За беларускімі алімпійцамі ў Сочы адправілі не «Боінг» кіраўніка, а Ту-154.
Сёння ў Менск з Сочы вернецца беларуская алімпійская дэлегацыя. 19 лютага Лукашэнка распарадзіўся арганізаваць урачыстую сустрэчу спартсменаў і выслаць за імі ў Сочы прэзідэнцкі самалёт.
Аднак, па звестках «Белорусских новостей», у Сочы замест борта №1 - самалёта Boeing-767-300ER (бартавы нумар EW-001PВ) вылецеў урадавы Ту-154М (бартавы нумар EW-85815).
Па дадзеных на 12:35 менскага часу гэты самалёт знаходзіўся на падлёце да аэрапорта Сочы. У той жа час збор тых, хто сустракае ў нацыянальным аэрапорце «Менск», прызначаны на 14:00. Сустракаць беларускіх спартсменаў выказалі жаданне больш за сто прадстаўнікоў сродкаў масавай інфармацыі. Частка з іх будзе дапушчаная на ўзлётнае поле.
Пасля ўрачыстай сустрэчы ў аэрапорце спартсмены адправяцца на плошчу Перамогі для ўскладання кветак.