Выбарчая кампанія ва Украіне стартуе 25 лютага
- 24.02.2014, 16:05
- 2,172
Выбарчая кампанія па датэрміновых прэзідэнцкіх выбарах ва Украіне пачнецца заўтра.
Цэнтральная выбарчая камісія не павінна рабіць адпаведнае абвяшчэнне на сваім пасяджэнні, паведамляе прэс-служба ЦВК, перадае "Інтэрфакс".
"Выбарчая кампанія пачынаецца аўтаматычна, зыходзячы з пастановы Вярхоўнай Рады аб прызначэнні датэрміновых выбараў прэзідэнта Украіны на 25 траўня. Таму ЦВК не будзе ў панядзелак на пасяджэнні рабіць адпаведную аб'яву аб пачатку выбарчай кампаніі", - растлумачылі ў прэс-службе.
У панядзелак запланаваны брыфінг старшыні ЦВК Міхаіла Ахендоўскага, прысвечаны пытанням арганізацыі і правядзення выбараў, аднак час яго правядзення пакуль яшчэ дакладна не вызначаны.